1391/08/28

یا ابوالفضل

   نوشته شده توسط: Jafar    

ابولفضلی گوروب صف‌لر داغیلدی

قاچوب سرکرده‌لر لشگر داغیلدی

   

حسینون عاشق کامل عیاری

علمدار رشید و با وقاری

آلوب گویا علی‌دن ذوالفقاری

توکوب قان، قلعه‌ی خیبر داغیلدی

قاچوب سرکرده‌لر لشگر داغیلدی

   

ائدوب کفرین سپاهین برهم عباس

گلوب نهر اُوسته وردی پرچم عباس

سووا باخدیقجا اُولدی خرّم عباس

اورکدن غصه‌سی یک‌سر داغیلدی

قاچوب سرکرده‌لر لشگر داغیلدی

    

سو مشگین دولدوروب لب تشنه سقا

اوزی میل ائتمدی بیر قطره اما

جزاک الله دئدی معناده زهرا

غم اولاد پیغمبر داغیلدی

قاچوب سرکرده‌لر لشگر داغیلدی

   

رجز خوان الده پرچم دلده تکبیر

اوزین ووردی سپاهه بیرده چون شیر

هراسان ائتدی خصمی برق شمشیر

یول اوستن فرقه ی کافر داغیلدی

قاچوب سرکرده‌لر لشگر داغیلدی

    

دیور راوی باخوردیم حالی مضطر

چیخور گوردوم نیستاندان او سرور

نه وار مشگینده سو نه تنده اللر

دگوب باشه عمود افسر داغیلدی

قاچوب سرکرده‌لر لشگر داغیلدی

    

اونی السیز گوروب ال چالدی اعدا

کمک‌سیز قارداشین سسلندی سقا

غریب عباسیوی درک ایله مولا

اولوب عمروم گلی پرپر داغیلدی

قاچوب سرکرده‌لر لشگر داغیلدی

   

علمدارون وئرور جان یا حسین گل

سن عطشان منده عطشان یاحسین گل

گلن یولاره قربان یاحسین گل

یاغیش تک اوخ یاغوب پیکر داغیلدی

قاچوب سرکرده‌لر لشگر داغیلدی

کلامی زنجانی



Apollo
1391/08/29 00:34
یا علی
شاید کمی بیشتر از یک هفته پیش بود که جناب کلامی زنجانی مهمان یکی از هیتهای محل بود مسجد کاملا پر بود و کلام ایشان نافذ و رسا.
سپاس.
پاسخ Jafar : ممنون که نظر دادین
در ضمن اسم شما رو من نمی دونم میشه برام بگین؟
شبکه اجتماعی فارسی کلوب | Buy Website Traffic | Buy Targeted Website Traffic